Pse biletat e fluturimeve kushtojnë më shumë ?
Bisedimet për taksat e fluturimeve në Evropë janë rikthyer pasi Gjermania planifikon t’i ulë ato në nivelet e vitit 2024, duke filluar nga korriku. Taksat për fluturimet e shkurtra, mesatare dhe të gjata do të bien ndjeshëm, por vendimi ende pret miratimin e Bundestagut.
Megjithatë, ulja e taksave nuk garanton bileta më të lira menjëherë. Çmimet e fluturimeve varen nga faktorë si kërkesa, rezervimet e vona dhe algoritmet e çmimeve dinamike, si dhe taksat shtesë nga shtetet dhe aeroportet.
Ndërkohë, vendet evropiane po ndjekin politika të ndryshme: Belgjika po rrit taksat për fluturimet e shkurtra, Suedia i ka hequr ato plotësisht, ndërsa Mbretëria e Bashkuar dhe Franca i kanë rritur. Norvegjia ka një sistem të dyfishtë taksash në varësi të destinacionit.
Jashtë Evropës, SHBA aplikon taksa federale mbi biletat, ndërsa Singapori ka shtyrë taksën e karburantit të gjelbër për shkak të rritjes së çmimeve të karburantit nga tensionet gjeopolitike.
/euronews
