Autostrada Ohër-Kërçovë do të kushtojë 770 milionë euro – përfundimi deri në fund të vitit
Ndërtimi i autostradës Kërçovë–Ohër, që zvarritet prej vitesh, pritet të kushtojë rreth 770 milionë euro (13.5 milionë €/km). Sipas ministrit Aleksandar Nikolloski, megjithëse e shtrenjtë, ajo mbetet më e lirë krahasuar me projekte të tjera në vend.
Çmimet krahasuese:
Korridoret 8 & 10: 15.5–16 mil €/km
Shkup–Bllacë dhe Kërçovë–Bukojçan: rreth 21 mil €/km
Punimet pritet të përfundojnë deri në fund të vitit 2026, ndërsa përdorimi i plotë në pranverë 2027.
Nga 57 km gjithsej, pjesa më e madhe është përfunduar dhe pjesërisht në funksion.
Vonesat lidhen kryesisht me kompaninë kineze Sinohydro, përgjegjëse për 20 km të mbetura.
Së fundmi u nënshkrua një aneks i ri kontrate me kosto shtesë prej 186 milionë eurosh.
/ms
