Fjalimi i Kërçovarit Gëzim Sula, kryetarit të Shtabit Zgjedhor të ASH-AAA për Zvicër

Të nderuara zonja dhe zotrinjë

Të dashur vllezër dhe motra, mirë se ju gjejë në Tetovën e Dervish Carës..

I nderuar kryetar i Alternativës, z. Afrim Gashi, i nderuar kryetar i Aleancës për Shqiptarët z. Ziadin Sela, si dhe të nderuar kandidatë për deputet të këtij koalicioni,mirëmbrëma.

Për mua është një privilegj i madh që sonte bashkë me ju, si përfaqësues i diasporës shqiptare, kam rastin të marr pjesë në këtë hapje solemne të fushatës zgjedhore, të koalicionit fitues ASH-Alternativa.

Por edhe ju të jeni të sigurtë që keni fituar përkrahjen e diasporës shqiptare anë e mbanë globit, sepse ato procese të cilat i ka përkrahur diaspora, historikisht kanë pasur sukses të padiskutueshëm.

Për ne si diasporë edhe zgjedhjet e 15 korrikut, janë një proces shumë i rëndësishëm kombëtarë.

Gjithëmonë rikujtoj fjalinë e eruditit shqiptarë, Faik Konicës, i cili thotë:

«Historia na mëson se gjithë ndryshimet politike kanë pasur për herë dy faktorë: mërgatën si dhe një elitë intelektuale mbrenda vendit.»

Për fat të mirë edhe ne i posedojmë këto dy faktorë.Nga njëra anë keni mbështetjen e parezervë të mërgatës kurse nga ana tjetër ne ju kemi juve.

Prandaj unë jam shumë i bindur se bashkërendimi i këtyre dy faktorve, do të sjellin ndryshimin e shumë pritur tek shqiptarët e Maqedonisë së Veriut.

Ju me të drejtë mund të pyetni se pse diaspora në mënyrë kaq masovike përkrah koalicionin ASH-Alternativë.

Përgjigja është shumë e thjeshtë, sepse diaspora shqiptare gjithëmonë ka përkrahur ato subjekte të cilat në platëformë të tyre politike si prioritet kanë pasur çështjen kombëtare.

Unë nuk dua të hyjë në atë, se çfarë bëri partia që 18 vite qeveris shqiptarët, sepse kjo është një temë për të cilën na nevojitet shumë kohë, që për fat të keq ne nuk e kemi sonte.

Por me bindje të plotë mund ta konstatoj, që ato projekte famëkeqe për shpërnguljen e shqiptarve që nuk arritën ti realizojnë armiqtë tanë për një shekull, BDI-ja, arriti ti realizojë për dy dekada.

Sot mund të gjesh më shumë shqiptarë në diasporë, se sa në vendlindje, sot ne jemi shumë më të ekspozuar ndaj asimilimit, se sa dikur.

Prandaj është momenti i fundit për ne si shqiptarë,që të bashkohemi sa më masovikisht rreth platformës së koalicionit ASH-AAA, sepse vetëm duke votuar këtë koalicion ne mund ti bëjmë ballë globalizmit si nocion.

Duke mos dashur ta zgjas më shumë, për të ju lënë hapsirë kandidatëve tonë, dua vetëm të ju bëj një apel të gjithë, baballarëve, nënave, vllezërve dhe motrave tona që akoma nuk kanë vendosur se për cilën parti të votojnë në zgjedhjet e 15 korrikut, në tavolinë kanë dy opcione, një opcion i cili për 18 vite me rradhë ka devalvuar çdo vlerë të shenjtë kombëtare, një kualicion i cili ëndrrat e tyre i realizoi, kurse rininë shqiptare e dërgoi që ëndrrat e saj ti shohi rrugëve të botës, dhe nga ana tjetër kemi një koalicion shprese, me njerëz të ndershëm, me njerëz familjarë, por mbi të gjitha me taban kombëtarë. Prandaj ju lutem votoni numrin 5 sepse tash është koha që ti japim shpresë vendlindjes tonë të dashur.

Mirë u pafshim në fitoren e sigurttë 15 korrikut.
Na prift e mbara.