Pushteti dhe opozita u përplasën për rritjen e çmimeve ?

Përderisa një pjesë e furrtarëve e kanë rritur çmimin e bukës kurse qytetarët ankohen se çdo ditë përballen me rritje të çmimeve të produkteve, kryeministri Hristijan Mickoski thotë se sot do të analizojnë nëse rritja e çmimit të bukës ka bazë apo jo.

“Do ta shohim inputin dhe të shohim nëse mbi bazën e atij inputi që ata e deklarojnë vërtet ka nevojë për një rritje të tillë. Nëse ka nevojë, atëherë do të themi se ka nevojë dhe do të marrim masa, ndërsa nëse nuk ka nevojë, ata që devijojnë dhe sillen jo në mënyrë ekonomike, do të gjobiten”, deklaroi Hristijan Mickoski – kryeministër.

Kryetari i LSDM-së, Venko Filipçe, thotë se kryeministri nuk shkon në market dhe nuk bën pazar prandaj s’është i informuar për çmimet, ndërsa Qeveria nuk ka ndërmarrë asgjë për të frenuar shtrenjtimet.

“Është e qartë se kryeministri nuk shkon në market dhe nuk bën pazar çdo ditë, shtrenjtohet edhe buka siç kemi paralajmëruar, se ky rritëm i çmimeve të naftës do të tërheqë dhe do të shkaktojë rritje të çmimeve të të gjitha produkteve ushqimore bazë.

Çfarë duhet të presin qytetarët, çfarë është ajo që ndjek kryeministri dhe Qeveria, të mos kenë njerëzit çfarë të hanë, këtë po presin?”, theksoi Venko Filipçe – kryetar i LSDM. Ndërsa partitë politike përplasen, qytetarët presin masa konkrete që të mbrohet standardi i tyre jetësor.

/Alsat.mk.