“Ma fshiu Snapchat-in dhe më rrahu” – e mitura denoncon në Polici babanë?

Një rast shqetësues i dhunës në familje është raportuar në Gjakovë, ku një vajzë e mitur ka denoncuar babanë e saj për dhunë fizike.
Siç mëson ekskluzivisht Sinjali, ngjarja ka ndodhur më 23 mars rreth orës 23:30 në rrugën “Ahmet Korenica”, pas një mosmarrëveshjeje mes babait dhe vajzës lidhur me përdorimin e rrjeteve sociale.

Sipas informacioneve, i dyshuari A.I., rreth 47-vjeçar, në një moment i ka marrë telefonin vajzës, i ka fshirë aplikacionin “Snapchat” dhe më pas e ka goditur me shuplaka në kokë.

Viktima, E.I., rreth 14-vjeçare, është dëgjuar në prani të zyrtarëve të Qendrës për Punë Sociale, ndërsa rasti është trajtuar me prioritet për shkak të moshës së saj.
I dyshuari është arrestuar dhe intervistuar në prani të avokatit mbrojtës, ndërsa me udhëzim të Prokurorit të Shtetit është liruar në procedurë të rregullt.

/sinjali