Çmimet e produkteve bazë ushqimore po rriten, qytetarët të shqetësuar ?

Lufta në Lindjen e Mesme reflektohet me rritjen e çmimeve të produkteve bazë. Një kuti me vezë tashmë arrin çmimin mbi 300 denarë, litri i vajit shitet përsëri për më shumë se 100 denarë, ndërsa ka rritje çmimesh edhe të miellit, kripës dhe produkteve të mishit. Qytetarët thonë se me këto çmime të larta, për një ditë u nevojiten deri në 2.000 denarë për të përballuar shpenzimet. Ata shtojnë se në këtë vend duket sikur jetojnë vetëm pushtetarët, ndërsa populli thjesht vëzhgon.

“1.500 deri 2.000 denarë për një ditë për një familje me katër anëtarë. Si është tregu? Eh, vështirë, nuk ka para, por gjithsesi, çfarë duhet, merret”, tha një qytetar.
“Çmimet janë këto, gjithçka do të shtrenjtohet, shtet i çmendur, popull i çmendur, të gjithë heshtin dhe kjo është e gjitha, dihet kush jeton, jetojnë këta këtu poshtë, gjithçka u duket pak”, u shpreh një qytetar.

“Pak më shtrenjtë se çfarë ishin pak më parë. Sipas mendimit tim, ka një rritje prej 10-15%. Si jo, shoku, kjo është shumë, sidomos për pensionistët është e pamundur. Ai që është pranë mjaltit, si thonë të moshuarit, ai do të hajë mjaltin; ai që nuk është, vetëm do të shikojë”, tha qytetari.

Ivan Peshevski nga LSM thohtë se çmimet po thyejnë rekorde dhe pritet një rritje edhe më drastike – ai shton se është e nevojshme të merren masa dhe të rriten pagat.
“Nuk kemi parë që ndonjë çmim të jetë ngrirë apo ulur, pavarësisht rekomandimeve për praktika tregtare jo të ndershme. Çmimet rriten çdo ditë, si në markete ashtu edhe të karburantit, etj. Është e nevojshme të rriten pagat për rreth 6.000 denarë, sa është rritja e kostos së jetesës për qytetarët”, deklaroi Ivan Peshevski – Nënkryetar i Lidhjes së Sindikatave të Maqedonisë.

Nga Ministria e Ekonomisë thonë se, nëse konstatohet rritje e paarsyeshme e çmimeve ose shkelje më e madhe e stabilitetit të tregut, do të reagojnë me masa. Ata shtojnë se për momentin po analizojnë mundësitë për ndërhyrje.

/Alsat.mk.