Kuvendi i Shqipërisë shpall Iranin shtet sponsor të terrorizmit

Këtë të martë në Kuvendin e Shqipërisë me 79 vota pro nga mazhoranca është votuar rezoluta për ta shpallur Iranin vend sponsor të terrorizmit. Në seancën plenare ka munguar opozita me përjashtim të deputetëve të PDIU, Mundësisë dhe Lëvizjes Bashkë. Gjatë votimit ka pasur një votë abstenim e cila ka ardhur nga deputeti i Lëvizjes Bashkë, Redi Muçi.

Votimi:
79 vota pro
1 abstenim- Redi Muçi
0 kundër

Kreu i grupit parlamentar të PS, Taulant Balla gjatë fjalës së tij në seancë u shpreh se terrorizmi nuk është vetëm akt dhune por minim i rendit demokratik.
Ai theksoi se Shqipëria mbetet një shtet i lëkundur në këtë luftë dhe anën e shtetit të së drejtës.

Balla rikujtoi edhe sulmin kibernetik ndaj Kuvendit të Shqipërisë duke e cilësuar akt armiqësor. Ndër të tjera, Balla theksoi se synojnë të dënojnë çdo formë të mbështetjes së agresionit.

Ai gjithashtu u kërkoi kolegëve të votojnë që ta shpallin Gardën Revolucionare të Iranit, organizatë terroriste. Seanca plenare përfundoi pas votimit dhe zgjati 22 minuta.

/ts