Tre persona në Kërçovë kapen pa patenta !?

Tetë nga gjithsej 11 shoferë janë privuar nga liria për drejtim të pakujdesshëm të automjetit, drejtuan automjete pa patentë shoferi
Dje në mbrë territorin e vendit, nëpunësit policorë privuan nga liria 11 shoferë, nga të cilët tetë për drejtim të automjetit pa patentë shoferi, dy për drejtim të automjetit pavarësisht se kishin ndalim aktiv dhe një për vozitje nën ndikimin e alkoolit.

Numri më i madh i shoferëve të privuar nga liria është në rajonin e SPB Ohër – pesë, ndërsa në rajonet e SPB Shkup, SPB Tetovë dhe SPB Manastir janë privuar nga dy shoferë. Nga të privuarit në rajonin e SPB Ohër, tre në Kërçovë ishin pa patentë shoferi, ndërsa një në Kërçovë me ndalim aktiv. Shoferi i privuar në Strugë ka drejtuar automjetin nën ndikimin e alkoolit dhe me automjetin e tij ,,Folksvagen Golf” ka shkaktuar aksident rrugor me automjetin ,,Fiat”.

Dy të privuar në Shkup dhe të dy në rajonin e SPB Tetovë kanë drejtuar automjetet pa patentë shoferi, si dhe një nga shoferët e privuar në rajonin e SPB Manastir. Ndërsa personi i dytë i privuar në këtë rajon ka drejtuar automjetin pavarësisht se kishte ndalim aktiv. Pas dokumentimit të plotë të rasteve, do të ngrihen kallëzime penale përkatëse.

U bëjmë thirrje të gjithë pjesëmarrësve në komunikacion që të respektojnë rregullat dhe rregulloret e komunikacionit, të mos drejtojnë automjete pa e kaluar provimin për patentë shoferi ose nëse u është shqiptuar masë ndalimi për drejtim ose nëse janë nën ndikimin e alkoolit, dhe të kontribuojmë të gjithë bashkërisht për siguri më të madhe në komunikacion.

/ms