Kërçovë: Syarta Saliju Osmani nderon gratë e arsimit me rastin e 7 dhe 8 Marsit

Në kuadër të aktiviteteve për 7 Marsi – Dita e Mësuesit dhe 8 Marsit këshilltarja komunale e Kërçovë, Syarta Saliju Osmani, bëri të ditur se pati nderin të jetë pranë disa prej personaliteteve më të ndritura të vendit – gra që ndër vite kanë kontribuar me përkushtim, dije dhe sakrificë në edukimin dhe zhvillimin e brezave të rinj.

Në këtë ditë simbolike u nderuan dhe u dekoruan disa zonja të jashtëzakonshme, të cilat me punën e tyre kanë lënë gjurmë të pashlyeshme në shoqërinë tonë.
Sipas Osmanit, ato përfaqësojnë dritën e dijes dhe të edukimit, duke formësuar mendje të reja dhe duke ndërtuar të ardhmen e vendit.

Ajo shprehu falënderim dhe mirënjohje për të gjitha gratë që çdo ditë kontribuojnë në familje dhe shoqëri, duke uruar: “Gëzuar 8 Marsin për të gjitha nënat, gratë dhe heroinat e përditshme.” 🌹🌸

/tvgurra