Lufta trondit çmimet e naftës, fuçia mbi 84 dollarë ?

Konflikti midis SHBA-së, Izraelit dhe Iranit po rrit çmimet e naftës dhe po shton pasigurinë në tregjet globale të energjisë, veçanërisht për shkak të situatës në Ngushticën e Hormuzit.

Nafta Brent u rrit mbi 84 dollarë për fuçi (+3.3%), ndërsa nafta amerikane WTI arriti rreth 76.8 dollarë (+3%). Në dy seancat e fundit tregtare, çmimet janë rritur rreth 5% për shkak të tensioneve gjeopolitike në Lindjen e Mesme.

Analistët theksojnë se përshkallëzimi i konfliktit është faktori kryesor që po shtyn çmimet lart, ndërsa sulmet ndaj infrastrukturës energjetike dhe rreziku për transportin e naftës po rrisin paqëndrueshmërinë e tregut.

Shqetësim i madh mbetet Ngushtica e Hormuzit, përmes së cilës kalon rreth një e pesta e tregtisë botërore të naftës. SHBA ka paralajmëruar se mund të shoqërojë cisternat e naftës nëse situata përkeqësohet.

Ndërkohë, Iraku ka ulur prodhimin me rreth 1.5 milion fuçi në ditë për shkak të problemeve të eksportit, ndërsa vende si India dhe Indonezia po kërkojnë burime alternative të furnizimit me energji.

/alsatm