Pse shkatërrimi i raketave balistike të Iranit është një detyrë shumë e vështirë?

Të hënën në Shtëpinë e Bardhë, presidenti Donald Trump deklaroi se shkatërrimi i kapaciteteve raketore të Iran është një nga objektivat kryesore të sulmeve amerikane. Megjithatë, ekspertët thonë se identifikimi dhe shkatërrimi i të gjithë arsenalit të raketave balistike iraniane është shumë i vështirë, edhe për Shtetet e Bashkuara të Amerikës dhe Izraelin.

Irani ka zhvilluar një rrjet të gjerë raketash dhe impiantesh prodhimi, shumë prej tyre të vendosura nën tokë dhe të fortifikuara. Përveç kësaj, raketat mund të çmontohen dhe të transportohen fshehurazi, duke e bërë më të vështirë zbulimin e tyre.

Edhe pse sulmet ajrore kanë goditur disa impiante raketash, përfshirë objektiva të nëndheshme të sulmuara me bombardues stealth B-2, ekspertët theksojnë se shkatërrimi i plotë i programit raketor iranian vetëm nga ajri është pothuajse i pamundur.

Irani posedon një nga arsenalet më të mëdha të raketave balistike në Lindjen e Mesme, me raketa që mund të godasin objektiva deri rreth 1.900 km larg. Sipas vlerësimeve amerikane, vendi është ende të paktën një dekadë larg zhvillimit të raketave balistike ndërkontinentale.

Ndërkohë, edhe pse Izraeli pretendon se ka shkatërruar qindra lansues raketash, forcat iraniane vazhdojnë të lëshojnë raketa. Ekspertët paralajmërojnë se eliminimi i plotë i raketave dhe impianteve të prodhimit mund të kërkojë operacione në terren nga forcat speciale, jo vetëm sulme ajrore.

/koha