Shqiptari shpëton Maqedonin në Iran (FOTO)

Jasir Asani, në foto, me Stefan Ashkovskin, reprezentuesin e Maqedonisë gjatë kthimit nga Stambolli për në Shkup, ku kanë rastisur të jenë në të njëjtin aeroplan me reprezentacionin e Maqedonisë të basketbollit që ishin për një ndeshje kualifikuese.
Të dy luajnë në Iran, Asani te skuadra e Esteghlal, kurse Ashkovski te Меs Rafsanjan.

Ata mezi kanë shpëtuar nga konflikti ushtarak në Iran.
34-vjecari Ashkovski ka rrëfyer për portalin maqedonas “Sport1.mk” tmerrin që kishte përjetuar për tre ditë.
Për tre ditë të tëra, Ashkovski as nuk hëngri as nuk piu, Irani ishte I mbyllur, ndërsa as klubi i tij, Mes Rafsajan, nuk e kishte ndihmuar.

“Udhëtova 15 orë nga Rafsajan në Teheran, pastaj nga kufiri me aeroplan në Stamboll. Ishte një luftë përmes Iranit, Jasiri më ndihmoi, ai kishte shoferin e tij, unë ia dola me të. Sa herë që luajmë jashtë, akomodohemi në Teheran”, tregon rrëfimin e tij Ashkovski.

“Kishte sulme kudo, madje edhe pranë meje, pastaj sapo kishin filluar. Nuk kisha ngrënë dhe pirë për tre ditë. Po kërkoja vetëm një mënyrë për të dalë nga vendi, pasi udhëheqësi i tyre (Ajatollahu) u vra, asgjë nuk funksionoi, gjithçka u mbyll… Ishte shumë e vështirë, por gjithçka përfundoi mirë. Tani mezi pres të kthehem në shtëpi për të fjetur, për të pushuar pak”, vazhdoi Ashkovski rrëfimin e tij.

“Ditën e fundit, ishim larg. Ndërsa jam atje, kam tre shoferë nga klubi, ata janë në dispozicion 24 orë për ne”, thotë Asani, i cili tani luan për kombëtaren e Shqipërisë.

FOTO:

/open-tv