Merz, Macron, Starmer dënojnë sulmet e Iranit në rajon

Gjermania, Franca dhe Britania e Madhe dënuan ashpër sulmet e Iranit ndaj vendeve të rajonit dhe kërkuan ndërprerjen e menjëhershme të goditjeve, rikthimin në negociata dhe heqjen dorë nga veprimet destabilizuese. Kancelari Friedrich Merz theksoi se Irani duhet të ndalë edhe dhunën ndaj popullit të vet.

Presidenti Emmanuel Macron paralajmëroi për pasoja të rënda nga një përshkallëzim i mëtejshëm dhe kërkoi mbledhje urgjente të Këshillit të Sigurimit, ndërsa NATO njoftoi se po ndjek situatën.

Kryeministri spanjoll Pedro Sanchez dënoi sulmin e SHBA-së dhe Izraelit ndaj Iranit si përshkallëzim të rrezikshëm.
Shefja e politikës së jashtme të BE-së, Kaja Kallas, thirri një mbledhje urgjente të ministrave të jashtëm të BE-së, duke paralajmëruar rrezikun e përhapjes së konfliktit në rajon.

/dw