Pse Trump sulmoi Iranin tani ?
Analisti i sigurisë Michael Rozenblat argumenton se një ndryshim regjimi në Iran do të ishte më efektiv se diplomacia e zgjatur. Presidenti deklaroi se regjimi nuk do të ketë kurrë armë bërthamore dhe se operacioni synon shkatërrimin e kapaciteteve ushtarake iraniane për të mbrojtur SHBA-të.
SHBA kishin përgatitur prej javësh një dislokim të madh ushtarak – aeroplanmbajtëse, avionë luftarakë, sisteme Patriot dhe THAAD – ndërkohë që vazhdonin bisedimet me Teheranin, për të cilat zyrtarët mbeteshin skeptikë. Izraeli kërkonte jo vetëm ndalimin e programit bërthamor, por edhe çmontimin e arsenalit raketor iranian.
Sipas analizës, Irani ndodhet në pikën më të dobët që nga viti 1979, pas protestave, luftës 12-ditore dhe dobësimit të rrjetit të proxy-ve. Një ndërhyrje vendimtare mund të riformatonte Lindjen e Mesme, të forconte iniciativat amerikane dhe të riintegronte rezervat e mëdha energjetike iraniane në tregjet perëndimore.
Mosveprimi do të interpretohej si dobësi dhe do të linte hapësirë për ndikim rus e kinez. Sulmet e fundit mund ta kenë vonuar programin bërthamor vetëm përkohësisht; ndaj, sipas kësaj qasjeje, veprimi shihej si i domosdoshëm.
/zhurnal
