Valbona Adili Emini: Sot patëm nderin të mirëpresim në Kuvend Presidentin e Republikës së Shqipërisë, z.Bajram Begaj.

Vizita e tij përfaqëson një moment të rëndësishëm për forcimin e bashkëpunimit dhe marrëdhënieve të mira ndërmjet dy vendeve tona, si dhe një dëshmi të lidhjeve të forta që bashkojnë qytetarët tanë.

Bashkëpunimi institucional dhe politik ndërmjet Republikës së Shqipërisë dhe Republikës së Maqedonisë së Veriut mbetet një vlerë e rëndësishme për stabilitetin, zhvillimin dhe rrugën tonë të përbashkët drejt integrimit evropian.

Si deputete, e vlerësoj këtë vizitë si një mesazh të qartë për mbështetjen e ndërsjellë dhe përkushtimin për të ndërtuar ura bashkëpunimi në të mirë të qytetarëve tanë dhe të rajonit.
Mirëseardhja e Presidentit Begaj në Kuvend ishte një moment respekti dhe vlerësimi për marrëdhëniet e afërta mes dy vendeve tona.

/ms