Ku jetojnë super të pasurit e Zvicrës ?

Në Zvicër jetojnë 6’427 persona ose familje me të ardhura mbi një milion franga në vit (të dhënat tatimore 2022). Ata përbëjnë vetëm 0.12% të 5.4 milionë tatimpaguesve, ndërsa shumica e popullsisë fiton nën 75’000 franga në vit.

Super të pasurit janë të përqendruar në rreth 200 nga mbi 2’000 komuna. Në shifra absolute kryesojnë Zyrihu (498), Zugu (432) dhe Gjeneva (275). Komuna si Wollerau, Freienbach dhe Küsnacht kanë më shumë milionerë se Bazeli (172), ndërsa në Lugano janë 100.

Shumica jetojnë pranë liqeneve, sidomos në kantonet Lucern, Schwyz, Zug dhe Zyrih. Rekordin e mban Wollerau (SZ), ku mbi 4% e tatimpaguesve fitojnë mbi një milion franga. Zona është tërheqëse për shkak të taksave të ulëta, pozitës gjeografike, aktivitetit ekonomik dhe standardit të lartë të jetesës.

Edhe rajoni i Gjenevës ka përqendrim të lartë, ndërsa pjesa tjetër e vendit – veçanërisht Zvicra italisht- dhe retoromanishtfolëse – ka dukshëm më pak familje me të ardhura shumë të larta.

/albinfo