Kallëzim i ri penal ndaj Fatmir Deharit ?

Ish-kryetari i komunës së Kërçovës, Fatmir Dexhari, ka marrë kallëzim të ri penal nën dyshim se duke keqpërdorur pozitën zyrtare ka dëmtuar buxhetin e komunës për më shumë se 1.4 milion denarë. Nga policia e Kërçovës informojnë se përveç Deharit, kallëzim është ngritur edhe ndaj dy personave të tjerë dhe një personi juridik.

“Edhe pse komuna e Kërçovës ka ndërmarrje publike komunale, F.D. i ka besuar të gjitha veprimtaritë komunale personit juridik të kallëzuar me seli në Llapkidoll, me qëllim që të përfitojë në dëm të buxhetit të komunës së Kërçovës.

Personi i dytë i kallëzuar, si përgjegjës për mirëmbajtjen e hapësirave të gjelbra, ka vepruar në mënyrë të pakujdesshme gjatë kryerjes së autorizimeve dhe detyrave të tij, ndërsa personi i tretë i kallëzuar, në cilësinë e menaxherit të personit juridik, ka shkelur me vetëdije rregullat e procedurës për thirrje publike.

Për këtë arsye, gjithsej fondet e paguara për mirëmbajtjen e hapësirave të gjelbra rreth ndërtesës së komunës arrijnë në 1.457.205 denarë, në dëm të komunës së Kërçovës”, njoftojnë nga SPB- Kërçovë.

Ndaj Deharit ekzistojnë edhe tre kallëzime të tjera penale. Vitin e kaluar u ngritën dy kallëzime penale, një për keqpërdorim të detyrës zyrtare, me të cilin ka dëmtuar buxhetin e komunës për 64,000 euro, dhe një tjetër për rrezikim të mjedisit jetësor. Në janar të këtij viti i është ngritur një kallëzim penal për keqpërdorim të pozitës zyrtare duke dëmtuar buxhetin e komunës së Kërçovës me 130,000 euro. Kallëzimet penale janë në procedurë parahetimore.

/Alsat.mk