Kërçovë: Ligjëratë nga psikologia Hamdije Selimi

Paragjykimet dhe stereotipet ishin tema kryesore e ligjëratës që psikologia Hamdije Selimi mbajti në SH.M.K. Sande Shterioski. Gjatë prezantimit, ajo shpjegoi se paragjykimet lindin nga mungesa e informacionit dhe ndikimi i mjedisit shoqëror, ndërsa stereotipet janë përgjithësime të thjeshtuara e shpesh të padrejta për individë apo grupe të caktuara.

Ajo theksoi se këto dukuri ndikojnë negativisht në marrëdhëniet ndërnjerëzore, duke krijuar ndarje, keqkuptime dhe padrejtësi. Përmes shembujve konkretë nga jeta e përditshme, Selimi i nxiti nxënësit të reflektojnë mbi sjelljet dhe qëndrimet e tyre, duke i inkurajuar të jenë më të hapur, më tolerantë dhe të mos gjykojnë pa njohur.

Sipas saj, edukimi, empatia dhe komunikimi i sinqertë janë çelësi për të luftuar paragjykimet. Mesazhi përfundimtar ishte i qartë: të gjithë jemi të ndryshëm, por të barabartë, dhe diversiteti është pasuri që duhet vlerësuar.

/tvgurra