Kërçovë: Si pasojë e reshjeve të shiut, lumi i Zajazit ka shkaktuar përsëri përmbytje ?

Si pasojë e reshjeve të shiut, lumi i Zajazit ka shkaktuar përsëri përmbytje në lagjen “Prilepska” të Kërçovës. Gjendja në shtëpitë e përmbytura është alarmante. Mbi 200 persona janë sistemuar në sallën sportive të Ivanidollit. Banorët e dëmtuar kërkojnë mbështetjen e komunës së Kërçovës për tejkalimin e kësaj situate.

“Nga vërshimet e lumit të Zajazit, përsëri janë goditur banorët e lagjes “Prilepska” në Kërçovë. Shtëpitë e tyre janë mbushur përsëri me ujë dhe kanë shkaktuar dëme të mëdha në hapësirat e objekteve që ndodhen në afërsi të lumit të Zajazit. Shtabi emergjent, i ka marrë masat e menjëhershme dhe familjet që përballen me përmbytjet janë sistemuar në sallën sportive të lagjes Ivanidoll.”, u shpreh Besnik Selimi, sekretar i Organizatës së Kryqit të Kuq në Kërçovë.

“Nga ora pesë e mëngjesit shtëpitë tona u mbushën me ujë. Ata janë përmbytur në tërësi. Ndodhemi në një gjendje të rënduar nga vërshimet. Situata është katastrofale. Nga vërshimet, është dëmtuar edhe inventari i objekteve tona.”, u shpreh një qytetar.

Gjendja është më e vështirë se para një muaji. Përsëri kemi mbetur në rrugë. Prandaj kërkojmë nga komuna që të na mbështesë në këto momente të vështira dhe të merren masa adekuate për tejkalimin e situatës.”, u shpreh një qytetare.
/mrt2