Kërçovë: Gati 150 pako ushqimore që do të shpërndahen

OH Kalliri i Mirësisë – Kërçovë me përkushtim dhe dashuri ka përgatitur 150 pako ushqimore që do të shpërndahen në prag të muajit të bekuar të Ramazanit, me qëllimin fisnik që asnjë sofër të mos mbetet bosh dhe çdo familje të ndiejë dorën e ngrohtë të solidaritetit.

Në këto ditë të veçanta, kur zemrat afrohen më shumë me njëra-tjetrën dhe mirësia shumëfishohet, aktivistët tanë punuan pa u lodhur për të përgatitur secilën pako me kujdes e përkushtim, duke menduar për buzëqeshjen dhe lehtësimin që ato do të sjellin në familjet në nevojë.

Këto 150 pako u realizuan falë mbështetjes dhe financimit bujar nga Shoqata Kulturore Uskana Dortmund, e cila gjithmonë qëndron pranë nismave humanitare dhe bashkëatdhetarëve tanë.

Nga gjithsej 150 pako:
100 pako do të shpërndahen në Kërçovë me rrethinë, aty ku shumë familje presin me shpresë një dorë ndihme.
50 pako do të destinohen për qytetin e Gostivarit, për të sjellë gëzim dhe lehtësim edhe atje.

Kjo iniciativë nuk është vetëm një shpërndarje ushqimesh, por një mesazh dashurie, uniteti dhe kujdesi për njëri-tjetrin. Është dëshmi se kur bashkohemi, mund të bëjmë shumë për ata që kanë më së shumti nevojë.

Ju faleminderit për bashkëpunimin, besimin dhe mbështetjen tuaj të vazhdueshme. Zoti ua shpërbleftë me të mira dhe ua shumëfishoftë mirësinë! 🌙

/ms