Liridona Vejseli: Bilall Kasami duhet të largohet nga qeveria ?

Zhvillimet e fundit në koalicionin VMRO-VLEN kanë hapur debat rreth peshës reale politike që ka Bilall Kasami brenda qeverisë dhe kufijve të ndikimit të tij si partner koalicioni.

Edhe gazetarja Liridona Vejseli ka komentuar zhvillimet e fundit mes partnerëve të koalicionit VMRO-VLEN. Sipas saj, Bilall Kasami nga Lëvizja BESA duhet të largohet nga qeveria.

“Z. Kasami duhet të largohet sa më parë, gjithçka tjetër është veç humbje për shqiptarët! Kushdo që i bashkohet kësaj qeverie, do të thotë se ne jemi të humbur”, ka shkruar Vejseli.

Nga ana tjetër, Mickoski vazhdon ta nënçmojë çdo ditë Bilall Kasamin, disa herë duke ia marrë fjalën dhe, së fundmi, duke mos ia shkarkuar ministrin e tij.

Edhe pse Kasami tenton të shkarkojë Fatmir Limanin, kryeministri Mickoski u shpreh kundër, duke thënë se ai është vlerë e shtuar e qeverisë. “Mendoj se ai është vlerë e shtuar në Ministrinë për Punë Sociale. Unë jam mandatar dhe unë e formoj Qeverinë”, tha Mickoski.

Edhe ministri Igor Filkov u shpreh kundër Kasamit:
“Shikoni, kur të bëhet Bilall Kasami kryeministër, atëherë me siguri do të tregojë se kush do të jetë ministër dhe kush jo. Deri atëherë, sundimi i së drejtës, gjegjësisht respektimi i Kushtetutës dhe ligjeve, do të vlejnë për të gjithë”, tha Filkov.

Me këto deklarata, shtrohet pyetja nga portali TetovaSot: Çfarë i duhet pushteti Bilall Kasamit, kur nuk mund të shkarkojë as ministrin e vet? Përgjigen e kësaj pyetje qytetarët mund të mësojnë sonte pas mbledhjes së Lëvizjes BESA.

/ts