Ministri Fatmir Limani uron Kurtin dhe Haxhiun për detyrat e reja shtetërore

Fatmir Limani ka uruar Albin Kurtin me rastin e rizgjedhjes në detyrën e Kryeministrit të Republikës së Kosovës, si dhe Albulena Haxhiun për zgjedhjen Kryetare e Kuvendit të Kosovës, duke u dëshiruar suksese në përmbushjen e përgjegjësive të larta shtetërore.

Ai theksoi se proceset politike në Kosovë janë të lidhura ngushtë me zhvillimin e shqiptarëve në Maqedoninë e Veriut, ndërsa stabiliteti dhe forcimi i institucioneve të Kosovës përbëjnë mbështetje për gjithë rajonin.

Limani shprehu shpresën për mbajtjen sa më të shpejtë të mbledhjes së përbashkët të dy qeverive, me synim thellimin e bashkëpunimit në fusha kyçe si mirëqenia sociale, rinia dhe zhvillimi demografik.

/tvgurra