Kantoni i Aargaut vendi më i mirë për të jetuar në Zvicër ?

Një studim i ri nga Avenir Suisse rendit 26 kantonet e Zvicrës sipas lirive ekonomike dhe sociale, bazuar në 29 kritere. Fituesi i përgjithshëm është Aargau me 70.1 pikë, duke u renditur i pari në liritë sociale dhe i dyti në ato ekonomike, falë stabilitetit financiar dhe tregut të punës.

Në kundërshtim me pritshmëritë, kantonet e mëdha si Cyrihu, Gjeneva dhe Vaud nuk kryesojnë renditjen; Cyrihu renditet i 25-ti. Appenzell Inner- dhe Ausserrhoden zënë vendin e dytë dhe të tretë. Studimi tregon se disa kantone shkëlqejnë në një fushë, por dobësohen në tjetrën, si Zug që kryeson në liritë ekonomike, por renditet i 21-ti në ato sociale.

Edhe pse Aargau fiton në total, ai vlerësohet dobët për të drejtat politike të të huajve dhe ka procedura shumë të rrepta për natyralizim. Kantoni ka rreth 735,000 banorë dhe kryeqytet Aarau, një qytet me qendër historike të bukur dhe institucione kulturore, pavarësisht kritikave për mungesë jete kulturore dhe dialektin lokal.

/albinfo