Apel humanitar nga Kalliri i Mirësisë – Kërçovë (FOTO)

Pas përmbytjeve që goditën Kërçovën, shumë familje – e sidomos fëmijë – në lagjen Prilepska u përballën me humbjen e gjërave më elementare të jetës së përditshme. Rrobat, batanijet dhe këpucët nuk janë thjesht sende, por ngrohtësi, siguri dhe dinjitet për çdo fëmijë dhe familje.

OH “Kalliri i Mirësisë” – Kërçovë merr iniciativën për të qenë pranë këtyre familjeve dhe fton të gjithë qytetarët me zemër të madhe që të kontribuojnë me:
👕 tesha
🛏️ batanije
👟 këpucë
për familjet në nevojë në lagjen Prilepska.
🗓️ Koha e grumbullimit:
E mërkurë, e enjte dhe e premte (4, 5, 6 Shkurt)
⏰ nga ora 14:00 – 16:00
📍 Vendi:
OH “Kalliri i Mirësisë” – Kërçovë

🔔 VËREJTJE E RËNDËSISHME:
Teshat që dhurohen duhet të jenë:
të pastra dhe në gjendje të mirë,
të klasifikuara sipas:
• gjinisë
• moshës
• madhësisë

❗ Teshat e pa klasifikuara nuk do të pranohen, sepse çdo dhuratë duhet të arrijë tek përfituesi me respekt dhe dinjitet.
Një palë rroba për ne është e zakonshme, por për dikë që ka humbur gjithçka, është shpresë dhe ndjenjë se nuk është vetëm.
Çdo fëmijë meriton veshmbathje me dashuri, respekt dhe dinjitet.
🙏 Faleminderit për solidaritetin dhe humanizmin tuaj!

FOTO:

/ms