Zviceranët që jetojnë jashtë vendit kthehen në Zvicër që të kryejnë shërbimin ushtarak vullnetar

Rreth 13,000 të rinj nisën këtë të hënë trajnimin themelor ushtarak në Zvicër. Mes tyre janë edhe 45 zviceranë që jetojnë jashtë vendit, të cilët, ndonëse nuk janë të detyruar ligjërisht, kanë zgjedhur të shërbejnë vullnetarisht.

Një prej tyre është Valentin Lopez, 19 vjeç, i rritur në Francë, por me pasaportë zvicerane. Ai thotë se shërbimi ushtarak është një mënyrë për t’u ndier më i lidhur me identitetin e tij zviceran. Edhe vullnetarë të tjerë nga jashtë, si Sébastien Albayrak nga Strasburgu, e shohin ushtrinë si mundësi për zhvillim personal dhe kthim te rrënjët.

Numri i zviceranëve nga diaspora që bashkohen me ushtrinë po rritet: nga rreth 50 në vitin 2020 në afro 90 sot. Sipas autoriteteve ushtarake, ata nuk trajtohen ndryshe nga rekrutët e tjerë, por dallohen për motivimin e lartë për të shërbyer.

/albinfo