Qumështi, kafeja, çokollata… Këto gjëra nuk është mirë të kombinohen me ilaçet

Para se të filloni të përdorni ndonjë ilaç, bisedoni me mjekun tuaj për gjërat që duhet të shmangni, shkruan Panacea.mk.

Grejpfruti
Ky frut ndikon në atë se si qelizat në sistemin e tretjes bartin substancën në të gjithë trupin, ndërsa mund të ndikojnë në 50 ilaçe të ndryshme. Veprimi i ilaçeve të caktuara gjithashtu mund ta zhvlerësojë atë.

Qumështi
Produktet e qumështit mund ta vështirësojnë organizmin që të përpunojë një antibiotik të veçantë. Mineralet si kalciumi dhe magnezi janë pjesë e përgjegjësisë. Nëse jeni duke marrë antibiotikë, zbuloni nëse ka ndonjë ushqim ose pije që nuk duhet të konsumoni.

Çokollata
Çokollata e zezë është një nga ushqimet që mund të ndikojë në ekeftin e tabletave të destinuara për gjumë më të lehtë. Ato gjithashtu rrisin efektin e disa barnave stimuluese.

Shtojca ushqimore që përmbajnë hekur
Ato mund të zvogëlojnë efektin e ilaçit të përdorur për të trajtuar mungesën e hormonit të gjëndrës tiroide.

Alkooli
Ai anulon efektin e ilaçeve të caktuara, ndërsa në këtë listë bëjnë pjesë ato për presionin e gjakut dhe zemrën. Në të njëjtën kohë, mund të rrisë efektin e disa ilaçeve ose të shkaktojë efekte anësore.

Kafeja
Mund të zvogëlojë efektin e antipsikotikëve, ose të rrisë efektin e përgatitjeve të acidit acetilsalicilik.

Vitamina K
Nëse merrni ilaçe që parandalojnë mpiksjen e gjakut, kini kujdes se sa vitaminë K merrni. Mund ta bëjë ilaçin më pak efektiv dhe kështu të rrisë rrezikun e mpiksjes së gjakut. Brokoli, lakra jeshile, majdanozi dhe spinaqi janë disa nga ushqimet më të njohura që përmbajnë një përqindje të lartë të kësaj vitamine.

Nuk i merrni ilaçet siç ju ka përshkruar mjeku juaj
Rreth 50 përqind e ilaçeve nuk merren siç përshkruhet, kështu personi i marr ato kur i kujtohet, gjë që mund të zvogëlojë efektin. Kushtojini vëmendje asaj që shkruhet në paketë dhe asaj që ju ka thënë mjeku.

/portalb