Deputetja Dr. Valbona Adili Emini vizitoi personat e zhvendosur nga vërshimet

Po e ndjek nga afër situatën e krijuar pas vërshimeve në Kërçovë. Shpreh solidaritetin tim me qytetarët e prekur dhe apeloj për reagim të shpejtë e të koordinuar nga institucionet përgjegjëse.

Pas vërshimeve në Kërçovë, qytetarët ndihen të shqetësuar, të pasigurt dhe me ankth për të ardhmen. Kjo situatë kërkon jo vetëm reagim urgjent, por edhe garanci të qarta nga institucionet për mbështetje të qëndrueshme dhe zgjidhje afatgjata. Solidarizohem me të gjithë të prekurit dhe vlerësoj lart angazhimin e vullnetarëve të Kryqit të Kuq, të cilët po ofrojnë ndihmë të çmuar në këto momente të vështira.

Me ditë të tëra dhe me orare të zgjatura, punëtorët dhe vullnetarët e Kryqit të Kuq po ndihmojnë pa rezerva familjet e prekura nga vërshimet. Angazhimi, humanizmi dhe sakrifica e tyre janë shembull solidariteti dhe përgjegjësie shoqërore. Mirënjohje e thellë për kontributin e tyre të palodhur në këto ditë të vështira. Shkruan deputetja Valbona Adili Emini në facebook

/ms