Kujdes: Fluturimet për në Shkup devijohen drejt Sofjes për shkak të mjegullës !

Një mërgimtar ka shkruar në redaksinë tonë për të informuar se disa aeroplanë që kishin destinacion Shkup nuk kanë mundur të ulen për shkak të mjegullës së dendur dhe janë detyruar të devijohen drejt Sofje, në Bullgari.

Situata bëhet edhe më e vështirë pas uljes në Sofje, pasi udhëtarët vazhdojnë rrugën drejt Shkupit me autobusë. Sipas ankesave të pasagjerëve, gjatë këtij udhëtimi kushtet janë të vështira: temperaturat janë shumë të ulëta dhe nuk ofrohet ushqim, gjë që e rëndon edhe më tepër situatën, sidomos për familjet.

Për këtë arsye, u bëhet thirrje të gjithë udhëtarëve, veçanërisht atyre që udhëtojnë me fëmijë, që të përgatiten mirë. Rekomandohet që fëmijët të vishen me rroba të trasha dhe të merren masa shtesë, pasi mjegulla vazhdon të mbulojë Shkupin dhe ekziston mundësia që fluturimet të devijohen sërish drejt Sofjes ose aeroporteve të tjera.
Redaksia jonë do të vazhdojë të ndjekë situatën dhe t’ju informojë për çdo zhvillim të ri.

/kercova.net