Maqedoni, 2159 raste aktive me koronavirus

162 raste të reja me virus korona, nga gjithsej 778 testime janë shënuar në 24 orët e fundit. Kurba e të infektuarve sot është 20.8%. Numri më i madh i personave të prekur nga COVID-19, ashtu siç po ndodh tashmë disa javë, është regjistruar në Shkup, respektivisht 92. E dyta renditet Tetova me 32 raste.

Qytet/Raste:

Shkup- 92 raste
Tetova-32 raste
Resnjë-14 raste
Dibër-5 raste
Ohër-4 raste
Strugë-3 raste
Kumanovë-3 raste
Prilep-2 raste
Gostivar-2 raste
Shtip-1 rast
Gjevgjeli-1 rast
Strumicë-1 rast
Kriva Pallankë-1 rast
Sveti Nikollë-1 rast

Sot u shënua një tjetër rekord negativ. Nëntë është numri i personave që humbën betejën me virusin korona. Ky është numri më i lartë i viktimave i regjistruar deri tani në vend. Tre nga Viktimat janë nga Shkupi, një nga Prilepi, dy nga Tetova, një nga Struga, një nga Velesi dhe një nga Gostivari. Mosha e personave që humbën jetën është nga 59 deri 81 vjeç.

Ministria e Shëndetësisë informoi për 5 të shëruar. Deri tani janë siguruar 23 plazma konvaleshente për trajtim të pacientëve më COVID-19.
Që nga fillimi i pandemisë janë bërë gjithsej 43.040 teste. Numri i përgjithshëm i rasteve të diagnostikuara në vendin tonë që nga fillimi i pandemisë është 4057. 2159 prej tyre, apo 53.21% janë raste aktive, ndërsa 1710 persona janë shëruar, kthyer në për qindje 42.15%.

Deri tani 188 persona kanë humbur jetën nga COVID-19.

/lajmpress