Kush është aktivisti i dalluar nga belgjika Milaim Ziberi

Ka lindur më 21 dhjetor 1964 në fsh. Aranjell.
Shkollën fillore e ka kryer në fsh. Kastriot, ndërsa të mesmen në Kërçovë, gjimnazin me sukses të shkëlqyeshëm.
Pasi mbaron shërbimin ushtarak, fillon studimet universitare, në Zagreb(Kroaci) në fakultetin e Bioteknologjisë në vitin e parë akademik 1984/1985.
Pushteti komunist i atëherëshëm ia ndërpret studimet në vitin e tretë e arreston dhe e dënon, bashkë me 7 shokë të tjerë, për veprimtari kundërrevolucionare,në shtator 1987, me 7 vjet burg.

Ai vuan dënimin nga viti 1987 deri në vitin 1990, kur fillojnë ndryshimet politike në të gjithë Evropën e Lindjes.
Menjëherë, pas daljes nga burgu, angazhohet në organizimin dhe konsolidimin e partisë së parë politike shqiptare: PPD.
Në të njëjtën kohë dërgohet nga këshilli i Peticionit, organizuar në të gjtha trojet shqiptare nën Maqedoni dhe ku kërkohej ndërprerja e dhunës dhe padrejtësive që u bëheshin shqiptarëve, në kuvendin e Maqedonisë, përfaqësues i Kërçovës. Në realitet është i dërguari i parë i kërçovarëve pas 1990 -tës.

Punon pa u lodhur në organizimin dhe konsolidimin e Bashkimit të të Rinisë Demokratike – BRD.
Punon me shumë zell dhe rezultate në organizimin e pajtimit të gjaqeve në trevën e Kërçovës.
Në vitin akademik 1990/1991 vazhdon studimet aty dhe atje ku ia ndërprenë, vitin e tretë në universitetin e Zagrebit.
Si student angazhohet në shoqatën Shkëndija – Zagreb, kordinator i studentëve shqiptarë, ku organizon shumë tribuna shkencore dhe aktivitete tjera atdhetare.

Konrtibon në organizimin e Bashkësisë Shqiptare në Kroaci.
Në shkurt 1993, mbron me notë të lartë temën e përfundimit të studimeve dhe merr titullin :
INXHINIER I DIPLOMUAR I BIOTEKNOLOGJISE.
Pas përfundimit të studimeve kthehet në vendlindje ku ballafoqohet me realitetin ; subjekti politik shqiptar kishte humbur rrugën në oborr.
Nga viti 1995 jeton dhe vepron në Belgjikë. Në fillim angazhohet në Bashkësinë Shqiptare të Belgjikës e më vonë organizon aktivitete të ndryshme me karakter kulturor dhe atdhetar.

Në vtin 2001 emërohet përfaqësues politik i Uçk –së për shtetet e Beneluksit.
Është kryetar i Këshillit Organizativ që organizoi manifestimin para ndërtesës së Unionit Evropian » Për Pavarësi dhe paqë në Kosovë » mbajtur me 24 nëntor 2007. Keni pasur rastin ta shihni edhe në Alsat.

Njeh shumë bukur realitetin politik, ekonomik dhe social të Beneluksit dhe Evropës ndërsa e fascinon stili amerikan i menaxhmentit .
Flet rrjedhshëm, shqip, frëngjisht, anglisht, holandisht, kroatisht dhe Maqedonisht dhe ka njohuri të gjermanishtes.