Në Maqedoninë e Veriut u rrit çmimi i vezëve, qytetarët në hall: Janë bërë luks !
Së fundmi çmimi i vezëve në Maqedoninë e Veriut është rritur ndjeshëm. Nga rreth 250 denarë për karton, tani kushtojnë 350–369 denarë. Qytetarët shprehin pakënaqësi, duke thënë se rritja e çmimeve po e vështirëson jetesën.
Tregtarët thonë se rritja është normale, pasi janë shtrenjtuar edhe produktet e tjera. Ministria e Ekonomisë sqaron se çmimi është rritur për shkak të rritjes së kostove të prodhimit, sidomos të ushqimit për pulat, dhe se vendi ende ka ndër çmimet më të ulëta të vezëve në rajon.
Organizata e konsumatorëve kërkon më shumë kontrolle në terren për të parandaluar rritjet e menjëhershme të çmimeve, ndërsa shporta minimale vazhdon të rritet.
/portalb
