Bekteshi: Mbi 10 milionë euro do të derdhen në sektorin turistik përmes vauçerëve për turizëm vendor

Mbi 10 milionë euro do të derdhen në sektorin e turizmit përmes masës me të cilën 117.122 qytetarëve me të ardhura të ulëta do t’iu jepen vauçerë për turizëm vendor, të cilët janë pjesë e pakos së tretë të masave të Qeverisë të cilat kanë për qëllim që ta ringjallin sektorin i cili është më së shumti i goditur nga pandemia me KOVID-19, por edhe gjatë rihapjes, me ndarjen e 6.000 denarëve të cilat mund të shfrytëzohen në kapacitetet turistike vendore në periudhën prej 15 korrikut deri më 15 dhjetor të këtij viti, porositi sot ministri i Ekonomisë, Kreshnik Bekteshi.

“Përfunduan të gjitha procedurat e nevojshme prej sot lëshohet në përdorim platforma “Pushime në vend” me të cilën fillon realizimi i masës për dhënien e vauçerëve për turizëm vendor. Lista përfundimtare është publikuar në ueb-faqen domasiedoma.gov.mk ku të gjithë qytetarët të cilët janë fitues të vauçerëve do të mund të kontrollojnë se a janë në listë ose jo duke shënuar numrin e amzës. Qytetarët të cilët tashmë janë në listën e fituesve të vauçerëve për turizëm do t’i marrin përmes postës elektronike gjegjësisht për të njëjtat nuk ka nevojë për kurrfarë aplikimi. Ministria e Ekonomisë tashmë i dërgoi vauçerët në adresat elektronike të cilat qytetarët i kanë dorëzuar në DAP”, tha Bekteshi në konferencën e sotme për media në Qeveri bashkë me ministren e Financave, Nina Angellovska.

Në rast se qytetarët nuk kanë dorëzuar adresë elektronike në DAP, theksoi, përmes numrit të tyre amë do të mund ta vendosin adresën e tyre elektronike ku do të donin t’iu dërgohet vauçeri i cili më tutje do të mund të zbritet nga ana e tyre, të shtypet dhe gjithsesi të shfrytëzohet.

Në listën e qytetarëve të cilët kanë të drejtë të vauçerit për turizëm vendor sipas Dekretit, potencoi, për të gjithë qytetarët e punësuar të cilët kanë të ardhura të cilat nuk tejkalojnë 15.000 denarë në muaj, gjegjësisht qytetarët e punësuar të cilët në periudhën prej janarit deri në prill të vitit 2020 nuk ka realizuar të ardhura më të larta se 60.000 denarë në bazë të pagës neto dhe kompensimeve.

“Këta qytetarë me të ardhura të ulëta do të marrin vauçerë prej 6.000 denarë të cilët do të mund t’i shfrytëzojnë objektet turistike në vend. Ata gjithashtu do të marrin edhe kartelë pagesore prej 3.000 denarë përmes masës “Blej produkte vendore”. Kartelat do t’iu dërgohen drejtpërdrejtë deri te qytetarët nga ana e bankave, ndërsa këto kartela pagesore do të mund të shfrytëzohen për blerje të produkteve dhe shërbimeve vendore”, tha Bekteshi.

Informoi se për kategorizim më të lehtë dhe më të shpejtë të kapaciteteve turistike të cilët ende nuk janë kategorizuar në mbledhjen e fundit të Qeverisë me propozim të Ministrisë së Ekonomisë ishte sjellë Dekret me fuqi ligji me të cilin ulet numri i anëtarëve në Komisionin për kategorizim të objekteve turistike-hotelierike prej 13 në pesë dhe përfshihet edhe një anëtar shtesë nga sektori privat. Iu bëri thirrje të gjitha kapaciteteve turistike në shtet të cilat nuk janë kategorizuar që këtë ta bëjnë deri më 30 qershor që të munden pastaj të aplikojnë për shfrytëzimin e masës dhe do të mund ofertat e tyre t’i vendosin në platformën me çka qytetarët të cilët do të kenë vauçerë do të munden të njëjtat të shfrytëzojnë te ata.

“Pasi të shfrytëzohen kapacitetet nga ana e qytetarëve, Ministria do të realizojë pagesën e dhënësve të shërbimeve turistike në bazë të faturës së dorëzuar mujore dhe raportit mujor për vauçerët e shfrytëzuar për turizëm”, theksoj Bekteshi dhe iu bëri thirrje të gjithë qytetarëve të cilët janë fitues të vauçerëve për turizëm t’i shfrytëzojnë në disa nga kapacitetet turistike vendore.

Në këtë mënyrë, shtoi, jo vetëm që do t’i ndihmojmë turizmit në vend dhe do t’iu ndihmojmë edhe hotelierëve tanë që t’i ulin humbjet nga kjo krizë,

/ts