Shoqata Zajazi Mirënjohje për Arbër Mehdiun

Gjatë manifestimit të 28 Nëntorit, patëm kënaqësinë t’i dorëzojmë një mirënjohje të merituar Arbër Mehdiut, për kontributin e tij të vyer dhe profesional në krijimin e logos zyrtare të Shoqatës Zajazi Zvicër.

Arbëri, me kreativitetin, përkushtimin dhe punën e tij tepër cilësore, ka dhënë një vlerë të qëndrueshme në identitetin tonë vizual. Logoja e shoqatës, e realizuar prej tij, është tashmë pjesë e imazhit tonë publik dhe një element që na përfaqëson me dinjitet kudo.

Prandaj, në shenjë falënderimi dhe respekti, e nderuam publikisht me këtë mirënjohje, duke i dhënë edhe fjalën për të përshëndetur të pranishmit. Ishte një moment i bukur dhe simbolik që vlerëson punën e tij dhe frymën e bashkëpunimit që e karakterizon.

E falënderojmë sinqerisht për kontributin e tij profesional dhe për mbështetjen e dhënë ndaj komunitetit tonë.
Me respekt,
Shoqata Zajazi Zvicër

/ms