Fatmir Limani jep mesazh për punëtorët: “Do t’ju garantoj vendime të përhershme”

Ministri i Politikës Sociale, Demografisë dhe Rinisë, Fatmir Limani, e ka nisur ditën me një deklaratë të drejtpërdrejtë drejtuar punëtorëve shqiptarë, duke i siguruar për vazhdimësinë e mbështetjes institucionale dhe stabilitetin në vendet e tyre të punës.

Kjo deklaratë nuk vjen në periudhë fushate, çka e bën atë të interpretohet si një mesazh i fortë i një ministri që dëshiron të garantojë se mirëqenia e punëtorit mbetet prioritet.

Në mesazhin e tij, ministri theksoi:
“Punëtorë, kudo që jeni të sistemuar, punoni, flini dhe zhvilloni jetën tuaj të qetë, sepse ashtu si sigurova vendet tuaja, ashtu do t’ju garantoj edhe vendime të përhershme. #PërJuFlijohenTëGjithë”
Famir Beqir Limani

Poashtu dje, Ministria e Politikës Sociale Demografisë dhe Rinisë dha edhe një sqarim të rëndësishëm për pensionistët, duke theksuar se pagesat e pensioneve vijojnë normalisht dhe pa asnjë ndryshim në procedurat aktuale.

Sipas njoftimit zyrtar, hapja e një procedure në Gjykatën Kushtetuese “nuk nënkupton pezullim apo ndryshim të masave në fuqi”. Derisa Gjykata të japë një vendim përfundimtar, zgjidhjet ligjore aktuale mbeten të pandryshuara.

Ministria u bëri thirrje pensionistëve të mos bien pre e dezinformatave dhe spekulimeve, duke theksuar se çdo ndryshim i mundshëm ligjor do të njoftohet në kohë dhe me transparencë të plotë.

Në fund, institucioni rikujtoi se siguria sociale, stabiliteti i sistemit pensional dhe mbrojtja e qytetarëve më të ndjeshëm mbeten prioritet i pandryshueshëm.
Keto deklarata janë pritur me interes, veçanërisht në një periudhë kur siguria në punë dhe politikat sociale janë kthyer në tema kyçe të debatit publik. Mesazhi i Limanit shihet si një angazhim për vazhdimësi në masat që synojnë mbrojtjen dhe mirëqenien e punëtorëve.

Ky komunikim vjen pas njoftimit të kryetarit të Parlamentit, Afrim Gashi, si dhe kryeministrit Hristijan Mickoski, të cilët kanë konfirmuar se seanca për plotësimin e dy ose disa pozitave në qeveri pritet të zhvillohet pas kongresit të VMRO-DPMNE-së, ku Mickoski pritet të riafirmohet edhe një herë në mandatin e kryetarit të partisë.

/identiteti