Qumili: Jam shqiptar musliman, gazetarja punonte për medium maqedonas!

Me rastin e festës së flamurit, 28 Nëntorit, artisti dhe aktivisti i njohur S. Radogoshi ka qenë i pranishëm në Shkup, ku mori pjesë në Paradën e organizuar për nder të kësaj dite të shenjtë për shqiptarët. Ai tha se atmosfera festive me ngjyrat kuqezi e kishte mbushur zemrën me krenari.

Gjatë aktivitetit, Radogoshi u intervistua nga disa media shqiptare, por një situatë e veçantë me një gazetare që raportonte në gjuhën maqedonase shkaktoi debat të panevojshëm në rrjetet sociale.

Radogoshi sqaroi se fillimisht kishte preferuar t’i jepte intervistë vetëm televizioneve shqiptare, por pasi gazetarja u prezantua dhe i tregoi se ishte shqiptare, ai e pranoi intervistën. “Unë kam lindur shqiptar mysliman. Nuk jam kundër shamisë apo cilësdo veshje fetare, por gjithmonë kam preferuar të identifikohem para botës si shqiptar me veshjet dhe traditat tona,” tha ai.

Ai theksoi se besimi është një çështje personale dhe nuk imponon asnjë formë praktike te askush.
“Njeriu është i lirë të besojë si të dojë. Ka njerëz që e gjejnë Zotin në qeshje, në këngë, në natyrë, apo në heshtje. Besimi është lidhje e drejtëpërdrejtë mes shpirtit dhe Krijuesit,” shprehet artisti, duke shtuar se gjatë jetës së tij nuk ka besuar kurrë se nevojiten ndërmjetës për t’i folur Zotit.

Në moshën 68-vjeçare dhe gjysh i nëntë nipërve e mbesave, Radogoshi thotë se nuk është aspak i zhgënjyer nga ofendimet që i janë bërë ditët e fundit.
“Kam parë edhe më keq nga njerëz që ofendojnë edhe heronjtë e kombit si Gjergj Kastrioti – Skënderbeu. Kam marrë dhjetëra mesazhe dhe komente që tregojnë qartë se ku po shkon shoqëria jonë.”

Në fund të reagimit të tij, ai i bën thirrje shqiptarëve për më shumë unitet dhe respekt të ndërsjellë.
“Feja nuk është për të përçarë njerëzit, por për t’i bashkuar. Rrnoftë e qoftë populli shqiptar!”

/tetova1