Si ndryshojnë pagat e të huajve në Zvicër ?

Shifrat e reja tregojnë se të ardhurat në Zvicër ndryshojnë ndjeshëm sipas lejes së qëndrimit, profesionit dhe sektorit. Në vitin 2024, paga mesatare mujore për një vend pune me kohë të plotë ishte 7,024 franga. Punonjësit me pagat më të ulëta fitonin nën 4,635 franga, ndërsa ata me pagat më të larta mbi 12,526 franga.

Tek pozicionet drejtuese, të huajt shpesh fitojnë më shumë se zviceranët: mbajtësit e lejeve B kanë pagën më të lartë (13,090 fr.), të ndjekur nga ata me leje C (11,966 fr.) dhe leje G (11,207 fr.). Kjo lidhet kryesisht me faktin se pozicionet e larta në kompani ndërkombëtare shpesh mbahen nga qytetarë të vendeve të treta me leje B.

Në punët jo-menaxhuese situata përmbyset: zviceranët kanë pagë mesatare më të lartë (6,765 fr.) krahasuar me të huajt (5,421–6,034 fr. sipas lejes).

FSO thekson edhe dallime të mëdha mes sektorëve. Paguajnë më shumë industrisë e farmacisë, bankat, R&D dhe duhani (deri 14,304 fr.), ndërsa më pak paguajnë mikpritja, tregtia me pakicë dhe shërbimet personale (4,496–5,214 fr.).

Ka edhe pabarazi rajonale: Cyrihu ka pagat më të larta (7,502 fr.), ndërsa Ticino më të ulëtat (5,708 fr.). Edhe brenda 10% më të pasur dhe 10% më të varfër, dallimet midis rajoneve mbeten të dukshme.

/albinfo