Kallëzim penal kundër një nëpunësi policor për keqpërdorim të pozitës zyrtare

Departamenti për Kontroll të Brendshëm, Hetime Kriminalistike dhe Standarde Profesionale pranë MPB-së, deri te Prokuroria Themelore Publike për Ndjekjen e Krimit të Organizuar dhe Korrupsion ka parashtruar kallëzim penal kundër E.K.,

i punësuar si nëpunës policor në Njësitin për Ndërhyrje Policore, për shkak të ekzistimit të dyshimit të bazuar se ka kryer vepër penale “keqpërdorim të pozitës dhe autorizimeve zyrtare.

Sipas konkluzioneve të Departamentit për Kontroll të Brendshëm pranë MPB-së, i paraqituri më 23.04 të këtij viti, me paramendim e ka shfrytëzuar pozitën dhe autorizimin zyrtar dhe në cilësi të nëpunësit policor i ka tejkaluar të njëjtat,

ashtu që me paramendim për të përfituar për personin A.D. nga Shkupi i cili është kërkuar me urdhër-arrest, e ka njoftuar se policia e kërkon dhe i ka mundësuar të ikë nga vendi ku paraprakisht është locuar nga ana e policisë.

/ts