Tv Gurra: Ministri Fatmir Limani uron 22 Nëntorin – Ditën e Alfabetit Shqiptar!

Sot festojmë gjuhën që na ka mbajtur gjallë si komb, gjuhën që na bashkon, na formon dhe na ngre më lart – shqipen.
Këngët, vajet, tregimet, letërsia gojore, traditat e brezave të vjetër e deri tek të rinjtë e sotëm, e kanë ruajtur identitetin tonë edhe në kohët më të vështira.

Ka vetëm një shqipe, shqipja standarde, ura që na lidh nga Saranda në Vermosh, nga Durrësi në Kërçovë, nga Manastiri në Tetovë, nga Lugina deri në Mitrovicë.
Dialektet janë pasuri, por standardi është themeli që na mban të bashkuar në kulturë, arsim dhe institucione.

Shqipja lulëzon dhe me të lulëzon edhe kombi.
Por gjithashtu na duhet edhe vetëdija kombëtare: të ruajmë kulturën, të njohim historinë, të kujdesemi për identitetin tonë kudo që jemi.
Në vendin tonë multietnik, forcë është edhe të mësosh gjuhën e tjetrit, maqedonishten, turqishten, boshnjakishten.

Sa më shumë gjuhë dimë, aq më shumë njerëz jemi.
Vetëm duke respektuar gjuhën e fqinjit, kërkojmë respekt të ndërsjellë për gjuhën tonë.
Le të flasim shqip me krenari,
le të mendojmë shqip me vetëdije,

le të ndërtojmë ura me gjuhët e të tjerëve.
Rroftë shqipja gjithë vitin, gjithë kohën, gjithë jetën!
Rroftë nëntori i kombit shqiptar! 🇦🇱❤️

/tvgurra