Ministri Fatmir Limani dhe kryetari i Këshillit të Kërçovës vizitojnë Ambasadorin e Turqisë, Fatih Ulusoy

inistri Fatmir Limani, së bashku me kryetarin e Këshillit të Komunës së Kërçovës, Ajhan Sulkovski, zhvilluan një takim zyrtar me Ambasadorin e Republikës së Turqisë në Maqedoninë e Veriut, z. Fatih Ulusoy.

Takimi u zhvillua në një atmosferë miqësore dhe konstruktive, duke reflektuar marrëdhëniet e mira ndërmjet dy vendeve dhe vullnetin për të forcuar bashkëpunimin në nivel lokal. Palët diskutuan gjendjen dhe të drejtat e komunitetit turk në Kërçovë, me fokus të veçantë te arsimi në gjuhën amtare dhe përfshirja institucionale.

U theksua gatishmëria e ndërsjellë për të mbështetur projekte që promovojnë bashkëjetesën, mirëkuptimin ndërkomunitar dhe zhvillimin e përgjithshëm të komunës. Zyrtarët kërçovarë nënvizuan se investimet në arsim, kulturë dhe integrim janë kyçe për përparimin e të gjithë qytetarëve, përfshirë edhe komunitetin turk.

Gjatë takimit, Ministri Limani dhe kryetari Sulkovski e ftuan Ambasadorin Ulusoy të marrë pjesë në eventin e Komunës së Kërçovës për shënimin e Ditës së Arsimit Turk, duke e cilësuar si një mundësi për të forcuar lidhjet kulturore dhe për të theksuar rëndësinë e arsimit në gjuhën amtare.

/tvgurra