VLEN: Shqiptarët e Maqedonisë nuk janë “Gazimestan” o Ali Ahmeti

Gjatë ditës së djeshme, lideri i BDI-së Ali Ahmeti tha se në rezultatet e zgjedhjeve lokale ka dominuar sindromi i Gazimestanit.

“Dominon sindromi i Gazimestanit që humbësi na del fitues. Në këtë rast, LEN-i, edhe në dy ciklet e mëparshme, zgjedhjet parlamentare dhe presidenciale, si në zgjedhjet lokale, nga humbës del fitues”, tha Ali Ahmeti.

E për këtë, reagoi koalicioni VLEN, që siç tha, “shqiptarët nuk janë “Gazimestan”, por janë komb krenar që ka dëshmuar pjekuri demokratike duke vendosur për ndryshim më 19 tetor

“Shqiptarët e Maqedonisë së Veriut, si ata që votuan për VLEN, ashtu edhe ata që votuan për AKI, nuk janë “Gazimestan”, por janë komb krenar, që të dielën e kaluar, më 19 tetor, dëshmoi pjekuri të lartë demokratike dhe foli me vendosmëri për ndryshim.

Ne e respektojmë çdo votë dhe çdo qytetar që mori pjesë në këtë proces historik, sepse më 19 tetor populli shqiptar u çlirua nga frika, presioni dhe shantazhi politik.
Ndërsa më 2 nëntor, do të festojmë bashkë dhe në çdo cep sepse shqiptarët do të fitojnë pothuajse në të gjitha komunat shqiptare.

Kjo fitore nuk është vetëm e VLEN-it, por e gjithë atyre që refuzuan të jetojnë më nën poshtërimin politik e moral të një strukture që ka humbur çdo busull.

Ali Ahmeti mund të vazhdojë me ofendime, por historia tashmë është shkruar: Populli foli dhe e dërgoi atë drejt humnerës politike.
VLEN për dinjitet, për respekt, për një të ardhme që bashkon e jo që fyen”, tha VLEN.

/ms