Fatmir Limani: Unë bëj thirrje të votohet më i miri

BESIMI I PAMENDUAR
(Votuat me urrejtje të paarsyeshme)
Kundërkandidati që kaloi në raundin e dytë, duke vjedhur votën, do ta kuptojë se më mirë do të ishte të humbte, sesa të hynte dhunshëm në rrugën e ferrit !

Një pjesë e votuesve shprehu vlerësim të paqëndrueshëm për kryetarin ekzistues, krahasuar me rezultatet dhe figurën e tij morale dhe politike. Populli vërtetë “foli” sipas refrenit të këngës së vjetër, por në fund të raundit të dytë do ta kuptojë fatalitetin e gabimit të bërë, ngase pala tjetër (VMRO) ndillte “peshkun” e këtillë në rrjetin e saj !

Votues të dashur !
Edhe pse rrallëherë e mendoni se si do të dukej fushata me mua (në raundin e dytë), krahasuar me intensitetin që do të rritet nga pala tjetër me kandidatin që përzgjodhët në mënyrë aksidentale, duhet të keni para syshë se gara do të jetë e vrazhdë.

Në tubimin në Zvicër, bazuar në përfaqësimin e vlerave familjare, jam zotuar se do ta ndihmoja kandidatin shqiptar. Kjo ka ndodhur para se të shfaqeshin lajmet që cenojnë figurën e kundërkandidatit të shqiptarëve.

Por një pjesë e popullit, edhe pasi dëgjoi tronditjet, sërish vendosi të zgjedhë dikë tjetër në vendin tim. Kjo tregon se ata besojnë që ai është në gjendje të mposhtë, ta fitojë kandidatin maqedonas, duke mobilizuar shqiptarët kudo që jetojnë e veprojnë.

Tash i ngelet “tereni”, për të bindur masën se është më i vyeri në yë gjitha kuptimet e fjalës; si politikan, si atdhetarë, si familjarë…
Do t’u ripërsëris edhe njëherë, por me shpresë që s’do të shkëpusni vargjet sipas dëshirës:

– “Unë bëj thirrje të votohet më i miri, duke besuar se këtë herë qytetarët do t’i peshojnë të gjitha dhe do të votojnë për më të “mirin”, nëse vërtet të përzgjedhurin ende e vlerësoni si më të “mirin” ndër ju !
Unë u paralajmërova me fushatë paqësore, pajtuese, propozuese, zhvillimore e bashkuese. Dhe tani përgjegjësia nuk bie mbi mua (por mbi ju), për çdo skenar të rrezikshëm që mund të pasojë me Kërçovën.

Vetëm mbajeni mend një gjë:
– Hallall nuk ua bëj kurrë që nuk më mundësuat të ndërtoj objektin spitalor në vendin më të qëlluar të Kërçovës ! Të tjerët ndoshta do ta realizojnë godinën e spitalit në maket kartoni. 😉
E mua, më mbetet të realizoj punësimet që i premtova gjatë fushatës zgjedhore.
Zvicër
F. B. L.
Shkruan Famtir Limani në facebook.

/ms