Dasma e madhe Kërçovare çdo katër vjet ! Shkruan Gazmend Limani

Kohë zgjedhjesh lokale në Maqedoni dhe specifika bie gjithmon në Kërçovë ku fitorja është pak më e koplikuar sepse mvaret nga mërgata shqiptare që jetojnë në katër anët e botës.

Ne jemi një popull që e kemi pasur gjithmonë një lidhje të fortë me tokën tonë, me traditat dhe me njëri-tjetrin. Dhe, për asnjë arsye, kjo lidhje nuk do të zbehet, pavarësisht largësisë që mund të na ndajë. Ne e dimë që çdo katër vjet na pret sfida e njejtë në zgjedhjet lokale dhe atëher japim angazhim maksimal ndoshta disaherë edhe stresues!

Pasi e dimë sakt atëher mendoj se është e udhës që për këtë Dasëm të madhe Kërçovare duhet përgaditur me kohe, pse jo çdo njëri prej nesh ta dijë se njëher në katër vjet duhet ti ndajë dy javë pushim për të shkuar në Kërçovë jasht sezoni për të Votuar.

Të gjithë do të jemi bashkë, për të ndarë gëzime, për të rikujtuar historitë tona dhe për të përcjellë frymën e së kaluarës dhe shpresat e së ardhmes. Çdo katër vjet, do të ndjehemi si një familje që nuk është kurrë larg, por gjithmonë e bashkuar në këtë dasmë të madhe, të paharrueshme që na bashkon.

/kercova.net