Tv Gurra: Fatmir Limani në Vjenë – “Vullkani i fitores shpërthen nga Vjena !

Mbrëmë në Vjenë, kandidati për kryetar të Kërçovës, Fatmir Limani, së bashku me ekipin e tij, zhvilloi një takim të ngrohtë me mërgatën kërçovare.

Në këtë tubim u prezantua programi i tij për zhvillimin e Kërçovës, ndërsa në mesin e të pranishmëve ishte edhe analisti i njohur z. Mentor Nazarko.

Atmosfera u ngrohu edhe më shumë nga “Oda Kërçovare”, e cila kishte ardhur nga Zvicra për ta pasuruar mbrëmjen me pika muzikore tradicionale.

Në fjalën e tij, Limani u shpreh me vendosmëri:

“Si Shqipëria mbrëmë, edhe Kërçova do të fitojë! Vullkani i fitores shpërthen nga Vjena!
Çdo dorë që kam shtrënguar këto ditë, çdo bisedë me kërçovarët e vyer në Vjenë, më ka dhënë forcën e fitores.
Unë jam në politikë për të lartësuar mbiemrin tim – është përgjegjësi e madhe, por edhe nder i madh!
Buxheti milionësh për projektet do të mbetet në Kërçovë, për të ndërtuar të ardhmen e fëmijëve tanë!”

Ai theksoi rëndësinë e bashkëpunimit me diasporën, duke shtuar se lidhja me atdheun nuk do të këputet kurrë, por do të forcohet me projekte, investime dhe bashkëqeverisje reale. “Rroftë mërgata – zemra e pavdekshme e atdheut tonë!”

/tvgurra