Tv Gurra: Fatmir Limani takim me mërgatën kërçovare në Austri nën tingujt e Odës Kërçovare

Mërgata kërçovare në Austri do të ketë mundësinë të takohet nga afër me kandidatin për kryetar të Komunës së Kërçovës, z. Fatmir Limani, në një ngjarje që pritet të zhvillohet më 11 tetor, ora 19:00, në adresën Nordbahnanlage 9, 1210 Vjenë.

Takimi synon prezantimin e vizionit dhe programit të Fatmir Limanit për të ardhmen e Kërçovës, si dhe forcimin e lidhjeve me diasporën.
Atmosfera do të pasurohet nga Grupi Artistik “Oda Kërçovare” nga Zvicra, me një program kulturor që sjell traditën dhe shpirtin e vendlindjes.

Falënderime të veçanta i janë drejtuar Shoqatës Humanitare “Kërçova” në Austri për bashkëpunimin dhe mikpritjen.
“Së bashku për një Kërçovë më të mirë!” — është mesazhi që do të udhëheqë këtë tubim të rëndësishëm të mërgatës.

/tvgurra