Modeli i Vlerësimit të programeve zgjedhore Komunale Kërçova (2025 – 2029)
Meqenëse në zgjedhjet komunale të 19 tetorit 2025, garojnë më tepër kandidatë të mundshëm për të parin e komunës, dhe të njejtët dalin me oferta dhe plan.- programe ambicioze dhe joshëse për votuesin, është me rëndësi që qytetari dhe votuesi gjatë përcaktimit të votës ta ketë parasyshë #Modelin e #vlerësimit të plan – programeve të ofruara, si që vijon:
1. Përshkrimi i projektit
A është i qartë dhe i kuptueshëm?
A ka lidhje me nevojat reale të komunës?
2. Afatet kohore
A është përcaktuar si projekt afatshkurtër (1–2 vjet), afatmesëm (3–5 vjet) apo afatgjatë (5+ vjet)?
A janë dhënë data ose periudha të përafërta për fazat kryesore?
3. Burimet financiare
A tregohet burimi i financimit (buxheti lokal, shteti, fonde të huaja, PPP)?
A janë llogaritur kostot orientuese?
4. Burimet njerëzore dhe profesionale
A ka komuna kapacitete për ta realizuar?
A është paraparë angazhimi i ekspertëve/profesionistëve?
Angazhimin e resurseve njerëzore dhe profesionale – përfshirjen e ekspertëve, inxhinierëve, arkitektëve dhe stafit të kualifikuar që garantojnë cilësinë dhe efikasitetin e punimeve;
5. Fazat e zbatimit
A përmenden hapat konkretë: studim, projektim, tenderim, ndërtim/realizim?
A është e qartë rruga nga ideja deri te realizimi?
6. Përfitimet për qytetarët
A sqarohet se çfarë ndryshimesh sjell projekti në jetën e përditshme (shërbime më të mira, infrastrukturë, vende pune, mjedis më të pastër, arsim më të avancuar)?
A ka ndikim afatgjatë pozitiv për komunitetin?
Parandalimin e migimit: fshat – qytet, apo
Parandalimin e migrimit qytet – kryeqytet, apo më e dhimbëshmja
Parandalim të migrimit në shtetet e huaja të zhvilluara..
7. Transparenca dhe llogaridhënia
A është paraparë raportim periodik ndaj qytetarëve?
A do të ketë mekanizma monitorimi publik (mbledhje, faqe zyrtare, raporte financiare)?
Kjo e fundit por jo më pak e rëndësishme, përveq informimit të popullatës ka të bëjë edhe me shmangëjen e elementeve korruptive.
Mr.ing. Isein Ajdari,
14 shtator, 2025, Kërçovë
/ms
