Diaspora e Austrisë: Thirrje për mërgatën kërçovare !

Edhe pse apeli ynë i drejtuar subjektit politik në maj 2025 për një marrëveshje rreth kandidatit shqiptar nuk u dëgjua, Shoqata Humanitare Kërçova Vjenë nuk dorëzohet. Ne qëndrojmë të palëkundur në përkushtimin tonë ndaj mërgatës kërçovare dhe ndaj vendlindjes që na rrit e na dha rrënjë.

Tani është koha të tregojmë se diaspora nuk është vetëm një fjalë, është zemra që rreh larg, por përherë për Kërçovën. U bëjmë thirrje të gjithë mërgimtarëve kërçovarë: mos qëndroni anash!

Shfrytëzoni të drejtën tuaj të votës, mobilizohuni dhe merrni pjesë aktive në zgjedhjet që po afrojnë. Mbështetja për kandidatin shqiptar nuk është thjesht një zgjedhje politike, është një akt dashurie për vendlindjen dhe një premtim për të ardhmen e fëmijëve tanë.

Mos e bojkotoni votimin, çdo votë që mungon është një hap më afër fitores së kandidatit sllavo-maqedonas që në raundin e parë. Dhe mos harroni: votimi për Këshillin bëhet vetëm në raundin e parë. Këshilltarët janë si veglat për një mjeshtër, pa ta, Kryetari nuk mund të ndërtojë asgjë që i shërben komunitetit.

📍 Shoqata Humanitare Kërçova Vjenë do të mbajë dyert e hapura për çdo kandidat shqiptar që dëshiron të prezantojë planin dhe vizionin e tij para mërgatës sonë në Austri. Ne besojmë në dialog, transparencë dhe në fuqinë e bashkimit.

🇦🇱 Kërçova ka nevojë për ju. Votoni me zemër, votoni për të ardhmen!
Me respekt
Kryesia e Shoqatës Humanitare Kerçova

/ms