VLEN: Autostrada Kërçovë–Ohër tashmë po bëhet realitet

Autostrada Kërçovë–Ohër tashmë po bëhet realitet dhe është një projekt që hap rrugën e zhvillimit dhe krijon perspektiva të reja për qytetarët.
“Sot lëshuam në përdorim segmentin nga vendbanimi Klimishtë drejt Ohrit, me një gjatësi prej 17 kilometrash një hap i madh përpara drejt përfundimit të kësaj autostrade”, shkruan në postimin në Fejsbuk, zv/ministrja e Transportit, Kaltrina Zekolli Shaqiri.

Autostrada Kërçovë-Ohër është me rëndësi strategjike dhe jetike për vendin. Është arteria kryesore që lidh Maqedoninë Jugperëndimore me pjesën tjetër të vendit dhe me Ohrin – një qytet që nuk është vetëm perlë turistike, por edhe një trashëgimi kulturore botërore.
Kjo Qeveri në krye me VLEN-in madje si qëllim ka ta bëjë jetën e qytetarëve tanë më të mirë dhe më të dobishme.

Ky është vizioni i VLEN-it – Maqedonia e veprave, jo e arsyetimeve. Ky është ndryshimi thelbësor midis një qeverie dhe tjetrës, apo asaj të LSDM-së dhe BDI-së dhe nesh.

Kjo është dëshmi se mund ta lëmë pas periudhën e stagnimit dhe t’i hapim rrugën zhvillimit. Do të vazhdojmë kështu – të ndërtojmë, të përfundojmë projektet e filluara dhe të fillojmë perspektiva të reja për çdo rajon dhe çdo vendbanim shqiptar.

/ms