Maqedoni: Një e treta e puntorëve marrin rrog me më pak se 500 euro!

Kostoja e jetesës po rritet nga muaji në muaj. Prandaj, edhe pagat duhet të rriten, veçanërisht ato më të ulëtat, të cilat me harmonizimin e fundit janë të ankoruara në 24.800 denarë vlerësojnë sindikalistët. Punëtorët në Maqedoni po e kanë gjithnjë e më të vështirë të mbulojnë shpenzimet themelore të jetesës, paralajmërojnë nga Lidhja e Sindikatave të Maqedonisë duke theksuar se vlera e shportës së pagës minimale sindikale për korrikun e vitit 2025 ka arritur në 65.328 denarë.

Krahasuar me qershorin e këtij viti, kjo është një rritje prej 630 denarësh, që sipas LSM, është një tjetër alarm për nevojën e rritjes së pagës minimale, por edhe të pagave në përgjithësi. Pra Sindikata kërkon një rritje të pagës minimale në 500 euro , si dhe harmonizimin e pagave të tjera me koston reale të jetesës.

LSM kërkon një pagë minimale prej 30 mijë denarë dhe një rritje prej 6.000 denarësh të pagave të tjera, duke argumentuar se paga minimale në vend është më e ulëta në rajon. Qëndrimi i Qeverisë është se gjatë rritjes së pagës minimale duhet të merren parasysh edhe parametra të tjerë si produktiviteti , inflacioni, etj.

Gjithashtu sipas të dhënave të publikuara nga Lidhja e Sindikatave të Maqedonisë , rreth 170 mijë punëtorë, që është një e treta ose 33,1 përqind e punëtorëve në vend, marrin pagë nën 30.000 denarë ose nën 500 euro. “Të dhënat tregojnë se në Maqedoni, në muajin maj të vitit 2025, u regjistruan 509.960 punëtorë me pagë neto të llogaritur dhe të paguar, nga të cilët 374.045 punëtorë ose 73.3 për qind e punëtorëve morën pagë nën pagën mesatare, dhe 135.915 punëtorë ose 26.7 për qind e punëtorëve morën pagë mbi pagën mesatare.

Është shqetësues fakti që 169.082 punëtorë, ose 1/3 ose 33.1 për qind e punëtorëve, marrin pagë nën 30.000 denarë ose nën 500 euro. Refuzimi për të rritur pagën minimale nga Qeveria, punëdhënësit dhe parlamenti po shkakton dëm të drejtpërdrejtë për 169.082 punëtorë dhe familjet e tyre, të cilët nuk mund të përballojnë as dy paga për të siguruar kushtet më themelore të jetesës për familjet e tyre sipas vlerës së Pagës Minimale”, thonë nga LSM.

Vlera e shportës minimale sindikale për muajin gusht 2025 është 65.507,00 denarë, dhe me një apartament me qira prej 60 metrash katrorë për muajin gusht, ajo është 80.882,00 denarë.
Vlera e Shportës Minimale Sindikale për ushqim dhe pije, për ato 63 produkte që Shporta Minimale Sindikata i ndjek për gusht 2025 është 24.064,00 denarë.

“Lufta për rritjen e pagës minimale nuk është luftë kundër Qeverisë ose për të mbyllur kompani, por luftë për ekzistencën e punëtorëve, thotë kryetari i Lidhjes ë Sindikatave të Maqedonisë”, Sllobodan Trendafilov. Sipas Trendafilov, është shqetësuese që nuk ka marrëveshje për rritjen e pagës minimale dhe nuk duhet të ketë një të tillë deri në përfundim të zgjedhjeve lokale. “Çdo vit gjithnjë e më shumë qytetarë po emigrojnë dhe numri i punonjësve po zvogëlohet, dhe se nuk duhet ta vendosim veten në një situatë ku, për shkak të lakmisë ose vetëpëlqyeshëmrisë së njërës palë dy palëve kundër së tretës, punëtorët vuajnë dhe largohen nga vendi”, shton ai.

/(koha.mk)