Kënga Lulja e Kosharës pa Skënderbeun ! (VIDEO)
Në një dasmë të zhvilluar në Tetovë, Maqedoni e Veriut, u këndua kënga e njohur patriotike “Lulja e Kosharës” nga këngëtari Ilir Shaqiri – por një ndryshim në tekst tërhoqi menjëherë vëmendjen e publikut.
Në vend të vargut origjinal “Gjaku i Skënderbeut”, u dëgjua “Gjaku i këtij dheu”.
Ky ndryshim ka shkaktuar reagime të forta në rrjetet sociale. Disa shprehën shqetësim për “fshirjen” e figurës së Skënderbeut nga kënga. TikTokeri Roki Alb reagoi:
“Thrret Adem Jashari, gjaku i SKËNDERBEUT… Shpresoj të jetë gabim, jo me qëllim!”
Ndërkohë, të tjerë e kanë përkrahur versionin e ri, duke u pajtuar me heqjen e emrit të heroit kombëtar.
Kënga “Lulja e Kosharës” është një nga himnet e luftës së Kosovës, e dedikuar Mujdin Aliut – luftëtar nga Tetova, i rënë dëshmor në betejën e Kosharës në moshën 25-vjeçare, i shpallur Hero i Kosovës.
Ndryshimi i tekstit u bë qëllimisht dhe ka mjaftuar që rrjetet sociale të ndahen mes kritikëve dhe përkrahësve.
VIDEO:
@prive.libertaspahiuNdodh edhe kjo! Skënderbeu hiqet nga teksti i këngës ‘Lulja e Koshares’ së Ilir Shaqirit në Maqedoni, ‘ndizet’ rrjeti me mendime pro dhe kundër! Na thoni mendimin tuaj. #ilirshaqiri
/ina
