A është koha faktori kryesor nëse një pacient do t’i mbijetojë infarktit në zemër ose jo ?

Mjeku kardiolog thotë që çdo minutë gjatë sulmit në zemër vlen shumë për jetën e pacientit:
“Pas 30 minutash keni një shans të mirë për të shpëtuar një pjesë shumë të madhe të zemrës, pas 3 orësh gjysma e saj është zhdukur tashmë, dhe pas 24 orësh pothuajse e gjitha është zhdukur. Këtu është e rëndësishme të reagohet shpejt.” – thotë ai.

Kardiologu Cuculi thotë që pavarsisht që mjekët në spital bëjnë një punë fisnike dhe i trajtojnë shumë mirë pacientët, ajo që është shumë e rëndësishme është të reagohet shpejt dhe koha kur pacienti arrin në spital, sepse koha është faktor kyç.

“Është e rëndësishme të reagoni shpejt këtu, veçanërisht për ata që jetojnë në zona rurale, për shembull, ata jetojnë në një vend që është pak larg qytetit, dhe këtu dihet në Maqedoni, qendra në pjesën ku jetojnë shqiptarët, qendrat janë në Ohër, në Tetovë dhe në rajonin e Shkupit, nëse jeni larg Tetovës, Ohrit dhe Shkupit, shanset tuaja për të mbijetuar me një zemër të shëndetshme janë relativisht të vogla, kështu që duhet të reagoni më herët dhe të kërkoni ndihmë herët.” – apelon dr. Florim Cuculli në emisionin Pasqyra e Shëndetit.

/alsatm